細豬*自我介紹篇

    哈佬o甘多位~~我相信如果識我既人都知我叫咩名架啦~~我都唔洗再講多次~~hehe~唔經唔覺都就黎16歲喇﹐今日係9月6日2002年(仲有3日咋)﹐諗番起D時間真係過得好快﹐由出世到E家已經不知不覺16年喇~細細個既我係個肥妹仔黎架~~但係到左1年班到啦﹐開始瘦番D lu~~你地係咪覺得好奇怪點解我個名名變左做細豬呢? 其實呢樣野嘉嘉就最清楚喇~~我仲記得上次我入lovebar哦時,我諗唔到叫咩名﹐係阿嘉叫我用有個細字既~哦時諗緊細欣好丫﹐定係細乜好~到都最尾我都係揀左細豬﹐因為如果係我既好朋友既話應該知我以前個icq名係叫”豬事八掛小靈精" ~~哈哈﹐係咪好白痴呢個名(我都覺) ~就係哦時雯雯成日叫我做piggy喇~ <--就係o甘我變左做細豬喇~~hehe~~

    好啦﹐就由我細個哦時講起啦~我以前係香港係住係馬鞍山架~~一出世就已經有 好多表哥表姐陪我lu..個個都好錫我架~~可能我細哦時D脾氣差啦﹐ 所以個個都就晒我﹐郁少少就發脾氣﹐E家諗番起都覺自己真係好衰﹐我點可以o甘小氣架呢? 有時小氣到連自己都憎自己~~(其實到到E架都係架咋﹐但係我已經改左好多架喇~俾多D時間我啦﹐我一定改到)~~

    黎到美國之後﹐我真係好唔開心呀~~個個都係到講我是非﹐無論我做岩定做錯都係o甘~~我哦時真係有諗過我自己一個返番香港算﹐但係我哦時得哦10歲﹐邊有o甘易丫~我係到諗如果我當初無黎到成家人都仲係香港你話幾好呢﹐但係到E家諗番以前﹐其實可能我地揀左黎係件好事~唉~~算啦﹐以前既事已經過去喇﹐我亦都唔想再諗番D唔開心野~~

    其實呢兩年都唔係話唔開心既﹐點都有開心野發生過~~大部份D開心野都係屋企人同D fd同我香港D親戚俾我既~~所以真係多謝你地呀~~諗起你地我心情都好D呀~~﹗﹗E家最令到我好唔開心既野﹐黎黎去去都係得一個架啦~~咪又係我鐘意o個個~~~唉~~覺得自己真係好無膽呀~鐘意人又唔敢應~~我成日都反問自己﹐我講左又係咪一定可以係埋一齊呢?答案我都未知住﹐但係我真係好驚到時無fd 做呀~~ o甘我姐係講好定唔講好呢? 點解人地鐘意親邊個都可以係埋一齊﹐但係我永遠都係o甘難架呢 ?我係咪真係o甘差呀~~我根本就唔鐘意溝仔﹐我鐘意仔溝我就真~~其實我好討厭D人成日係到溝仔架~~早知就覺得好假同姣啦~~你地覺唔覺架?其實男仔鐘意D女溝o巨丫﹐定係仔溝女呢?我諗我又變左問題少女喇~~哈﹐成日問問題添~~

寫住o甘多先啦﹐搵日再寫埋落去~~

11/1/2002

算啦﹐我諗我要從新接受其他人~我唔想再諗o巨喇~~